L'administraziun chantunala – ina patruna moderna per collavuraturas motivadas e collavuraturs motivads sco Vus.
assistenta u assistent da l'Atelier d'emprendissadi per la creaziun da vestgadira (80 %)

Uffizi per la furmaziun professiunala

Quaderstrasse 22

7001 Cuira

Voss champ d'incumbensas: Sco assistenta u assistent da l'Atelier d'emprendissadi per la creaziun da vestgadira tar l'Uffizi per la furmaziun professiunala cooperais Vus – tenor l'Ordinaziun da furmaziun – a la scolaziun pratica professiunala da circa 10 emprendistas ed emprendists. Plinavant essas Vus responsabla u responsabel per l'acquisiziun e per la realisaziun da las incumbensas da la clientella (fabricaziuns novas e midadas) sco er per la cussegliaziun e per l'assistenza da la clientella. In'ulteriura part da Vossa lavur pretensiusa è la substituziun da la manadra da l'Atelier d'emprendissadi.

Voss profil: Ultra da la scolaziun sco creatura u creatur da vestgadira AFQ, avais Vus fatg in examen professiunal ed ina scolaziun da pedagogia da las professiuns resp. essas pronta u pront d'absolver tala. Vus enconuschais las tecnicas d'elavuraziun da l'actuala Ordinaziun da furmaziun ed il nov sistem da tagliar Unicut. Vus avais plaschair da dar vinavant a las emprendistas ed als emprendists Vossas enconuschientschas professiunalas e metodicas, avais ina conscienza per qualitad, in sensori per la moda e restais calma u calm er en situaziuns hecticas. Enconuschientschas d'ina segunda lingua chantunala (eventualmain er d'ina terza) èn bainvegnidas.

Grad d'occupaziun: 80 %

Cumenzament da la lavur: 1. da settember 2020 u tenor cunvegna

Lieu da lavur: Cuira

Termin d'annunzia: 31 da matg 2020

Persuna da contact: Heidi Ogi, telefon 081 257 48 18, heidi.ogi@afb.gr.ch

Las annunzias ston vegnir inoltradas exclusivamain online.

Wir freuen uns auf Ihre vollständige online Bewerbung.