L'administraziun chantunala – ina patruna moderna per collavuraturas motivadas e collavuraturs motivads sco Vus. Perquai ch'il titular actual da la plazza va en pensiun tschertga il Departament da finanzas e vischnancas ina/in  

manadra u manader da l'Administraziun chantunala da taglia

Departament da finanzas e vischnancas

Rosenweg 4
7001 Cuira

Voss champ d'incumbensas: L'Administraziun da taglia è cumpetenta per imponer las differentas taglias da la Confederaziun, dal chantun e per part da las vischnancas, per incassar las taglias imponidas sco er per restituir la taglia anticipada. Imponidas vegnan var 180 000 persunas natiralas e var 13 000 persunas giuridicas. Sco manadra u manader essas Vus suttamessa u suttamess directamain al schef dal departament e responsabla u responsabel per la direcziun generala da l'Administraziun da taglia cun var 200 collavuraturas e collavuraturs. Vus represchentais l'Administraziun da taglia en differents gremis ed en differentas organisaziuns. Plinavant essas Vus cumpetenta u cumpetent per sviluppar vinavant cuntinuadamain il dretg fiscal chantunal, e Vus cooperais a la furmaziun da l'opiniun politica.

Voss profil: Questas incumbensas multifaras e cumplexas pretendan ina persunalitad cun qualitads da manar, in dun da contractar, forza da persvader e capacitad da sa far valair. Experientscha professiunala da plirs onns en ina posiziun directiva dal dretg fiscal vegn premessa. Vus avais in diplom universitar sco giurista u giurist ubain sco economa u econom u ina scolaziun cumparegliabla en il dretg fiscal (p.ex. experta fiscala u expert fiscal cun diplom federal, experta fiscala u expert fiscal CST). Vus essas abla u abel da manar il post da servetsch en moda effectiva sco er As orientond a soluziuns e tegnend quint da las burgaisas e dals burgais. Abilitads concepziunalas e communicativas exprimidas, ina gronda cumpetenza sociala sco er experientschas en la direcziun da projects cumpletteschan Voss profil.

Grad d'occupaziun: 100 %

Cumenzament da la lavur: 1. d'avrigl 2021 u tenor cunvegna

Lieu da lavur: Cuira

Termin d'annunzia: 10 da zercladur 2020

Persuna da contact: dr. Christian Rathgeb, president da la Regenza, telefon 081 257 32 01, u Patrik Galliard, secretari dal departament, telefon 081 257 32 11, patrik.galliard@dfg.gr.ch

Wir freuen uns auf Ihre vollständige online Bewerbung.