L'administraziun chantunala – ina patruna moderna per collavuraturas motivadas e collavuraturs motivads sco Vus.
collavuratura u collavuratur da la chanzlia (80 - 100 %)

Dretgira regiunala Plessur

Theaterweg 1

7001 Cuira

Voss champ d'incumbensas: Sco collavuratura u collavuratur da la chanzlia avais Vus – ensemen cun in team da pliras persunas – la cunresponsabladad che tut las fatschentas dal manaschi da dretgira, las qualas sa refereschan a la chanzlia, vegnian liquidadas senza disturbis e senza sbagls. Il champ d'incumbensas cumpiglia en spezial la gestiun administrativa dals cas davent da lur entrada fin a lur rendaquint ed a lur archivaziun, il servetsch da spurtegl e da telefon, la controlla dals termins, l'administraziun dals termins e da las pendenzas sco er l'organisaziun da tractativas, d'audiziuns e d'interrogaziuns incl. citaziuns. La correspundenza sco er ils protocols d'interrogaziuns e da tractativas scrivais Vus en moda independenta e tenor dictat. Vus redigis er independentamain simplas decisiuns che concernan en spezial chaussas da lètg cun reconciliaziun cumpletta, chaussas d'ierta, chaussas da scussiun e da concurs sco er cuntravenziuns cunter scumonds giudizials (scumonds uffizials). Sche la qualificaziun è avant maun, pudais Vus surpigliar er incumbensas pli pretensiusas.

Voss profil: Vus avais terminà in emprendissadi administrativ u commerzial ed avais – en il cas ideal – plirs onns experientscha professiunala tar ina dretgira, en l'advocatura u en il sectur public. Nus spetgain ina moda da lavurar independenta, exacta e fidada, flexibilitad ed abilitad da supportar squitsch sco er bunas enconuschientschas da Microsoft Office.

Grad d'occupaziun: 80 - 100 %

Cumenzament da la lavur: immediatamain u tenor cunvegna

Lieu da lavur: Cuira

Termin d'annunzia: 1. da zercladur 2020

Persuna da contact: dr. Urs Raschein, president da la Dretgira regiunala, u Patricia Lötscher, scheffa da la chanzlia, telefon 081 257 59 00

Wir freuen uns auf Ihre vollständige online Bewerbung.