L'administraziun chantunala – ina patruna moderna per collavuraturas motivadas e collavuraturs motivads sco Vus.
inschignera u inschigner ubain tecnicista u tecnicist per la radiaziun nunionisanta - execuziun RNI (80 - 100 %)
Amt für Natur und Umwelt
Gürtelstrasse 89
7000 Chur

Voss champ d'incumbensas: Sco referendaria u referendari per la radiaziun nunionisanta essas Vus la persuna ch'è responsabla per l'execuziun da l'Ordinaziun federala davart la protecziun cunter radiaziuns nunionisantas (RNI) en il chantun Grischun. Ultra da quai essas Vus la persuna da contact en connex cun la polluziun tras glisch e cun immissiuns mulestusas u disturbantas da la glisch. En questa funcziun examinais Vus dumondas da construcziun per implants ch'èn suttamess a la ORNI – en spezial implants da transmissiun (telefonia mobila e radiodiffusiun) – u per implants che reflecteschan u ch'emettan glisch. Vus survegliais e controllais ils implants da transmissiun durant il manaschi current e manais u incitais prognosas d'immissiuns, inspecziuns e mesiraziuns. Vus redigis posiziuns davart dumondas da construcziun, protestas, recurs da construcziun ed intervenziuns parlamentaras. Vus actualisais la banca da datas e l'archivaziun dals documents, amplifitgais quellas sche necessari e dais scleriments en Voss sectur spezial. En il rom da Vossa activitad tgirais Vus plinavant in contact specific e direct cun ils posts d'administraziun da la Confederaziun e dals chantuns, cun uffizis colleghials e cun vischnancas, cun federaziuns spezialisadas sco er cun firmas e cun persunas privatas. Vus represchentais il chantun en las gruppas interchantunalas d'experts per RNI. Ultra da quai faschais Vus servetsch da pichet.

Voss profil: Vus avais terminà in studi ad ina scola auta u ad ina scola auta spezialisada en il sectur tecnic da las scienzas natiralas u avais ina scolaziun equivalenta ed intgins onns experientscha professiunala, da preferenza en inschigneria u en tecnica d'ambient. Vus avais la prontezza d'As lavurar en en las tematicas da la radiaziun nunionisanta e dals sistems da func, en spezial da la telefonia mobila, u avais gia experientschas en quests secturs. Vus essas disada u disà da lavurar en moda exacta ed independenta e mantegnais la quietezza ma er la franchezza en situaziuns difficilas. Premess vegni che Vus sappias perfetgamain tudestg a bucca ed en scrit per pudair ademplir las incumbensas attribuidas. Enconuschientschas d'ina segunda lingua chantunala (rumantsch u talian) èn d'avantatg.

Grad d'occupaziun: 80 - 100 %
Cumenzament da la lavur: 1. d'october 2020 u tenor cunvegna
Lieu da lavur: Cuira
Termin d'annunzia: 29 da favrer 2020
Persuna da contact: René Müller, telefon 081 257 29 92, rene.mueller@anu.gr.ch u dr. Georg Thomann, telefon 081 257 29 52, georg.thomann@anu.gr.ch

Nus ans legrain da Vossa annunzia electronica cumpletta.