L'administraziun chantunala – ina patruna moderna per collavuraturas motivadas e collavuraturs motivads sco Vus.
spezialista u spezialist per il sectur da la gestiun da documents (80 - 100 %)
Tiefbauamt
Grabenstrasse 30
7000 Chur

Voss champ d'incumbensas: En Vossa funcziun essas Vus responsabla u responsabel per il sectur da la gestiun da documents da tut l'Uffizi da construcziun bassa cun l'administraziun centrala a Cuira sco er cun ils 7 uffizis da construcziun bassa decentrals e cun la secziun Tecnica. Tar Vossas incumbensas principalas tutgi da metter en pe, d'introducir e da manar in'administraziun d'infurmaziun digitala ed analoga interdisciplinara. Plinavant essas Vus la persuna da contact per dumondas internas ed externas en il sectur spezial (retschertga da dossiers, emprest, dumondas tenor la Lescha da transparenza) e responsabla u responsabel per surdar documents cun valur archivara a l'Archiv dal stadi dal Grischun.


Voss profil: Per liquidar questas incumbensas pretensiusas e variadas disponis Vus d'ina scolaziun spezialisada superiura en il sectur da la gestiun da documents ubain d'ina scolaziun equivalenta. Ultra da quai avais Vus da preferenza plirs onns experientscha professiunala en il sectur spezial, enconuschientschas fundadas da l'informatica, ina buna porziun chapientscha tecnica sco er conscienza per la qualitad e Vus essas ina persuna che sa lavurar en moda independenta. Vus avais in pensar entretschà ed orientà a la prestaziun da servetschs e Vus essas ina persunalitad communicativa ch'è abla da lavurar en in team. Enconuschientschas dal rumantsch e dal talian èn giavischadas.

Grad d'occupaziun: 80 - 100 %

Cumenzament da la lavur: 1. da matg 2020 u tenor cunvegna

Lieu da lavur: Cuira

Termin d'annunzia: 6 da mars 2020

Persuna da contact: Daniel Corrado, telefon 081 257 37 88, daniel.corrado@tba.gr.ch

Nus ans legrain da Vossa annunzia electronica cumpletta.