L'administraziun chantunala – ina patruna moderna per collavuraturas motivadas e collavuraturs motivads sco Vus.
manadra u manader da las fatschentas administrativas / substituta u substitut dal manader da l'uffizi
Amt für Industrie Gewerbe und Arbeit
Grabenstrasse 8
7000 Chur

Voss champ d'incumbensas: En questa funcziun pretensiusa e variada manais Vus la partiziun Fatschentas administrativas dal UCIML che cumpiglia il servetsch giuridic sco er la contabilitad, il Center da scan e da la EED/TI cun tut en tut var 15 collavuraturas e collavuraturs. Vus essas responsabla u responsabel per l'organisaziun, per la coordinaziun e per la realisaziun da las incumbensas giuridicas da l'uffizi, oravant tut en il sectur da la Lescha davart l'assicuranza cunter la dischoccupaziun (LADI). Vus relaschais autonomamain disposiziuns sco er decisiuns da protesta e manais process davant la Dretgira administrativa, pli darar er davant il Tribunal administrativ federal e davant il Tribunal federal, sco er mintgatant process da dretg privat. Sco commembra u commember da la direcziun gidais Vus a sviluppar la strategia d'interpresa da l'uffizi. Colliada cun questa funcziun è ultra da quai la substituziun da la direcziun da l'uffizi che Vus sustegnais e distgargiais a manar var 140 collavuraturas e collavuraturs da l'uffizi sco er en ulteriurs secturs.

Voss profil: Vus disponis d'ina scolaziun da giurisprudenza terminada, d'experientscha professiunala da plirs onns en il dretg privat e/u en il dretg administrativ sco er da grondas cumpetenzas da manar glieud. Vossa persunalitad averta As pussibilitescha da cussegliar persunas assicuradas, collavuraturas e collavuraturs sco er terzas persunas. Ina demananza segira, forza da persvader, plaschair da prender decisiuns sco er ina moda da lavurar orientada al team cun ina communicaziun averta vegnan premessas. Vus essas abla u abel da lavurar sut squitsch, essas ina persunalitad flexibla e lavurais en moda autonoma. Premessas vegnan ina buna expressiun en scrit ed a bucca per tudestg sco er enconuschientschas solidas dal computer. Enconuschientschas d'ina ulteriura lingua chantunala èn giavischadas.

Grad d'occupaziun: 100 %

Cumenzament da la lavur: 1. da settember 2020 u tenor cunvegna

Lieu da lavur: Cuira (Center administrativ Sinergia)

Termin d'annunzia: 28 da favrer 2020

Persuna da contact: Paul Schwendener, telefon 081 257 23 45, paul.schwendener@kiga.gr.ch

Nus ans legrain da Vossa annunzia electronica cumpletta.