L'administraziun chantunala – ina patruna moderna per collavuraturas motivadas e collavuraturs motivads sco Vus.
disponenta u disponent per la Centrala d'alarm 144 (50 %)
Gesundheitsamt
Planaterrastrasse 16
7000 Chur

Voss champ d'incumbensas: Sco emprim post da consultaziun per cas medicinals d'urgenza prendais Vus encunter ils cloms da telefon en il servetsch da squadra (24 uras / 7 dis), als elavurais tenor standards fixs, alarmais e coordinais ils Servetschs da salvament chantunals u ulteriuras organisaziuns a glisch blaua. Per questa lavur avais Vus il sustegn d'applicaziuns d'informatica spezialas. Supplementarmain a l'accumpagnament al telefon, a la cussegliaziun ed al sustegn da las persunas che tschertgan agid intermediais Vus medis, dentists ed apotecas per cas d'urgenza. Ultra da quai coordinais Vus ils transports da dischlocaziun e liquidais diversas lavurs administrativas.

Voss profil: Vus avais terminà ina scolaziun ed avais experientscha professiunala da plirs onns sco sanitaria u sanitari da salvament dipl. ubain sco sanitaria u sanitari d'ambulanza cun certificat professiunal ed essas engaschada u engaschà en in pensum parzial tar in Servetsch da salvament. Bunas enconuschientschas sco er plaschair e segirezza en l'applicaziun dal computer èn ina premissa. Vus n'avais betg mo fitg bunas enconuschientschas dal tudestg, mabain er enconuschientschas a bucca da l'englais e da preferenza dal talian. Vus essas ina persuna communicativa, chapis svelt la situaziun e mantegnais la survista en situaziuns cumplexas ed en process che han lieu il medem mument. Grazia a Voss talent organisatoric agis Vus en moda professiunala e cun cleras finamiras. Vus essas abla u abel da supportar squitsch psichic ed essas pronta u pront d'ademplir las incumbensas variadas ensemen cun in team en servetsch da squadra da tuttas uras.

Durant ils emprims 3 mais, en la fasa d'introducziun en la lavur, pudais Vus surpigliar in pensum dad 80 %.

Grad d'occupaziun: 50 %

Cumenzament da la lavur: 1. d'avust 2020 u tenor cunvegna

Lieu da lavur: Cuira

Termin d'annunzia: 15 da mars 2020

Persuna da contact: Sergio Marino Calabresi, telefon 081 257 78 01, sergio.calabresi@144.gr.ch

Nus ans legrain da Vossa annunzia electronica cumpletta.