L'administraziun chantunala – ina patruna moderna per collavuraturas motivadas e collavuraturs motivads sco Vus.
persuna responsabla per l'applicaziun dad IT / IAM (80 - 100 %)

Uffizi d'informatica

Rosenweg 4

7001 Cuira

Voss champ d'incumbensas: L'Uffizi d'informatica (UI) è il post central dals servetschs d'informatica per l'administraziun chantunala. Sco part da l'infrastructura da basa per il e-government maina il UI in sistem central dad identity & access management (IAM) per administrar las identitads digitalas ed ils access da la populaziun e da l'economia als servetschs online.

Vus essas responsabla u responsabel per tut ils aspects dal sistem IAM ch'èn orientads als servetschs ed a las applicaziuns. Latiers tutga en spezial da definir e d'implementar ils process necessaris dad IAM. Vus cussegliais internamain las persunas responsablas per las applicaziuns e per las lingias da producziun e las gidais ad integrar lur applicaziuns spezialas, e Vus garantis ch'i vegnian observads ils process relevants dad IAM ed ils standards definids. Ultra da quai cumpiglia Voss champ d'incumbensas la parametrisaziun da las applicaziuns, evaluaziuns da bancas da datas cun SQL, il management da change e da release, il far tests sco er chattar soluziuns en moda transorganisaziunala e schliar problems. Per quest intent coordinais Vus las differentas activitas cun ils posts interns e cun ils furniturs.

Voss profil: Vus avais terminà ina scolaziun en il sectur da las tecnologias d'infurmaziun (SSS, SAS u furmaziun supplementara equivalenta) ed avais experientscha pratica dals conturns dad IAM ubain experientscha fundada da plirs onns da la tgira d'applicaziuns d'in sistem dad IAM. Per questas incumbensas pretensiusas e multifaras n'avais Vus betg mo in pensar cumbinatoric, mabain er ina gronda atgna iniziativa ed abilitad organisatorica. Fidadadad, senn per qualitad, independenza e perseveranza cumpletteschan Voss profil. Vus avais experientscha d'analisar e da concepir ils process da gestiun che sa basan sin las tecnologias d'infurmaziun e da specifitgar las pretensiuns dad IT. D'avantatg èn experientscha da la direcziun da projects ed enconuschientschas dal svilup d'applicaziuns en ils conturns da Microsoft (.NET).

Grad d'occupaziun: 80 - 100 %
Cumenzament da la lavur: 1. da fanadur 2020 u tenor cunvegna
Lieu da lavur: Cuira
Termin d'annunzia: 21 da favrer 2020
Persuna da contact: Roberto Bertolini, telefon 081 257 31 74, roberto.bertolini@afi.gr.ch

Nus ans legrain da Vossa annunzia electronica cumpletta.