L'administraziun chantunala – ina patruna moderna per collavuraturas motivadas e collavuraturs motivads sco Vus.
stradina-capolavurera u stradin-capolavurer per Trun

Uffizi da construcziun bassa, district 6 Glion

Via Crappa Grossa 14

7130 Glion

Voss champ d'incumbensas: Sco stradina-capolavurera u stradin-capolavurer tar il district 6 a Glion essas Vus responsabla u responsabel – sin in traject da via attribuì a Vus – per exequir tenor princips economics il mantegniment funcziunal da la via cun servetsch da stad, d'enviern e da pichet. Vus manais ina gruppa da mantegniment pli pitschna e collavurais en questa gruppa. En Vossa funcziun essas Vus cumpetenta u cumpetent per far rapports da lavur, plans d'acziun e da vacanzas sco er per survegliar e per coordinar las lavurs. Ultra da quai manischais Vus vehichels a motor e maschinas da mantegniment.

Voss profil: Vus avais terminà ina scolaziun professiunala en la branscha da construcziun u en in sectur spezial sumegliant e disponis d'ina scolaziun supplementara sco capolavurera u capolavurer u d'ina furmaziun supplementara equivalenta. Per ademplir las incumbensas pretensiusas avais Vus fatg experientschas professiunalas e da direcziun correspundentas ed essas ina persunalitad flexibla ch'è abla da supportar squitsch e da lavurar en in team. Plinavant essas Vus pronta u pront da prestar servetschs da pichet. Per questa plazza vegni premess che Vus hajas il permiss da manischar da la categoria BE. Enconuschientschas dal rumantsch èn giavischadas per questa plazza.

Grad d'occupaziun: 100 %
Cumenzament da la lavur: 1. da fanadur 2020 u tenor cunvegna
Lieu da lavur: Trun
Termin d'annunzia: 31 da schaner 2020
Persuna da contact: Eugen Duff, telefon 081 257 68 80

Nus ans legrain da Vossa annunzia electronica cumpletta.