L'administraziun chantunala – ina patruna moderna per collavuraturas motivadas e collavuraturs motivads sco Vus.
manadra u manader da l'administraziun

Uffizi d'energia e da traffic
Rohanstrasse 5
7000 Cuira

Voss champ d'incumbensas: Vus manais l'administraziun da l'Uffizi d'energia e da traffic, coordinais e liquidais en moda independenta las lavurs administrativas che resultan, tgirais la pagina d'internet da l'uffizi ed essas responsabla u responsabel per las tecnologias d'infurmaziun. En questa funcziun essas Vus ultra da quai responsabla u responsabel per l'elavuraziun specifica independenta d'incumbensas spezialas en il secturs da l'energia e dal traffic public. Vus manais in pitschen team e surpigliais la responsabladad per la scolaziun pratica e per l'assistenza da l'emprendista u da l'emprendist. Cun gidar activamain a reflectar distgargiais Vus l'entir team en tut quai che reguarda l'administraziun e l'organisaziun.

Voss profil: Vus avais terminà ina scolaziun commerziala ed avais experientscha professiunala da plirs onns. Plinavant essas Vus ina persuna fidada ch'è abla da lavurar en in team. Ultra da quai avais Vus in bun dun receptiv ed essas ina persunalitad flexibla ch'è abla da supportar squitsch. I vegn premess che Vus sappias fitg bain tudestg en scrit ed a bucca e che Vus hajas bunas enconuschientschas dal talian a bucca. Ina moda da lavurar fitg exacta ed in'utilisaziun segira dals meds usitads da l'informatica èn chaussas che sa chapeschan da sez per Vus. Vus avais la prontezza da manar in pitschen team e d'instruir l'emprendista u l'emprendist.

Grad d'occupaziun: 100 %
Cumenzament da la lavur: 1. da matg 2020 u tenor cunvegna
Lieu da lavur: Cuira
Termin d'annunzia: 31 da schaner 2020
Persuna da contact: Erich Büsser, telefon 081 257 36 21

Nus ans legrain da Vossa annunzia electronica cumpletta.