L'administraziun chantunala – ina patruna moderna per collavuraturas motivadas e collavuraturs motivads sco Vus.
manadra u manader da secziun per ils servetschs d'incasso (80 - 100 %)

Administraziun da taglia

Steinbruchstrasse 18

7001 Cuira

Voss champ d'incumbensas: Vus manais autonomamain in pitschen team ch'è responsabel per pretender enavos ils custs ch'èn vegnids pajads anticipadamain en il rom da la giurisdicziun gratuita en cas da proceduras civilas, administrativas e penalas sco er per administrar attests da perdita e pretensiuns amortisadas administrativamain. En quest champ d'incumbensas plain responsabladad e fitg varià surpigliais Vus la responsabladad per l'ulteriur svilup professiunal ma er concepziunal da la secziun per ils servetschs d'incasso. Per ademplir questas lavurs As creais Vus ina vasta rait da contacts cun auters uffizis, cun las vischnancas sco er cun ils uffizis da scussiun e da concurs.

Voss profil: Vus avais terminà ina scolaziun commerziala ed avais experientscha professiunala da plirs onns en ils secturs da l'incasso sco er dal dretg da scussiun e da concurs. En quests secturs avais Vus er fatg furmaziuns supplementaras. Vus essas ina persunalitad iniziativa e fidada cun interess per prestaziuns da servetsch, savais lavurar en moda independenta ed avais ina gronda responsabladad persunala. Abilitad da supportar squitsch, integritad ed ina gronda cumpetenza sociala vegnan premessas. Experientscha da direcziun ed enconuschientschas dal talian èn d'avantatg e cumpletteschan Voss profil.

Grad d'occupaziun: 80 - 100 %
Cumenzament da la lavur: 1. d'avrigl 2020
Lieu da lavur: Cuira
Termin d'annunzia: 14 da favrer 2020
Persuna da contact: Alexander Schlegel, telefon 081 257 34 62

Nus ans legrain da Vossa annunzia electronica cumpletta.