L'administraziun chantunala – ina patruna moderna per collavuraturas motivadas e collavuraturs motivads sco Vus.
referendaria u referendari ubain manadra u manader d'administraziun (80 - 100 %)

Uffizi per la segirezza da victualias e per la sanadad d'animals

Planaterrastrasse 11

7001 Cuira

Voss champ d'incumbensas: Victualias segiras da la stalla fin sin il plat – quai è la devisa, tenor la quala sa drizza noss uffizi. El ademplescha incumbensas d'execuziun impurtantas en ils secturs da la sanadad d'animals, da las epidemias d'animals, da la protecziun dals animals, dals medicaments veterinars, da las victualias, da l'aua, dentant er da las chemicalias ed el incassescha taglias sin las bavrondas destilladas dal commerzi en detagl.

L'administraziun è in element central impurtant per il sustegn da la direcziun da l'uffizi. Sco nova collavuratura u nov collavuratur surpigliais Vus la direcziun persunala dal team da secretariat cun var 10 collavuraturas e collavuraturs ed ademplis differentas incumbensas interdisciplinaras. Vus essas responsabla u responsabel per il plan da lavur e per la coordinaziun entaifer il team sco per ina realisaziun unitara da las incumbensas. Tscherts secturs d'incumbensas elavurais Vus independentamain, faschais evaluaziuns statisticas, surpigliais la protocollaziun da las sesidas da la sparta e collavurais en Projects.

Voss profil: Vus disponis d'ina scolaziun commerziala fundamentala, d'in diplom da commerzi u d'ina scolaziun equivalenta, ed avais intgins onns experientscha professiunala en la direcziun d'in team. Ina furmaziun supplementara sco manadra u manader da team, sco spezialista u spezialist per manar ina gruppa ubain sco referendaria commerziala u referendari commerzial cumplettescha Voss profil. Ina moda da lavurar independenta, fidada ed exacta sco er in bun dun receptiv As distinguan. Vus essas disada u disà da surpigliar responsabladad e da manar persunalmain in team tenor cleras finamiras. Vus avais ina gronda forza d'As far valair, pensais en moda proactiva, essas abla u abel da supportar squitsch ed essas ina persuna flexibla. Vus avais bunas enconuschientschas dals programs da computer usitads ed essas pronta u pront d'absolver furmaziuns supplementaras en il sectur da las applicaziuns spezialas. Fitg bunas enconuschientschas dal tudestg a bucca ed en scrit vegnan premessas e Vus essas versada u versà en la formulaziun a bucca ed en scrit. Bunas enconuschientschas dal talian sco er experientscha dal dretg administrativ èn giavischadas. Enconuschientschas dal sectur da l'agricultura èn d'avantatg.

Grad d'occupaziun: 80 - 100 %
Cumenzament da la lavur: 1. da zercladur 2020
Lieu da lavur: Cuira
Termin d'annunzia3 da favrer 2020
Persuna da contact: Corina Carl, telefon 081 257 24 09

Nus ans legrain da Vossa annunzia electronica cumpletta.