L'administraziun chantunala – ina patruna moderna per collavuraturas motivadas e collavuraturs motivads sco Vus.
Collavuratura u collavuratur da project per il servetsch da terminologia rumantsch (50 %)

Chanzlia chantunala dal Grischun

Reichsgasse 35

7001 Cuira

Voss champ d’incumbensas:Vus lavurais en il servetsch da translaziuns rumantsch da la chanzlia chantunala. Vus elavurais e tgirais las resursas da terminologia per il servetsch da translaziuns rumantsch, faschais lavur da terminologia per entirs temas u per cas singuls en connex cun lavurs da translaziun novas, creais terms novs e surpigliais la controlla terminologica da las translaziuns. Ultra da quai essas Vus la persuna cumpetenta per normar la terminologia sin basa dals texts existents. Vus administrais e tgirais la banca da datas ed avais la responsabladad per la rectificaziun da las datas. Plinavant tgirais Vus il contact cun il servetsch da terminologia da la chanzlia federala, cun il qual Vus avais ina stretga collavuraziun.
Voss profil:Per questa incumbensa variada en in sectur interessant duvrais Vus ina scolaziun adattada (p.ex. scola da translaturas e translaturs u d’interpretas ed interprets, studi universitar [linguas]). Nus spetgain da Vus fitg bunas enconuschientschas dal rumantsch (in idiom e/u rumantsch grischun) e dal tudestg. Ulteriuras enconuschientschas linguisticas èn d’avantatg. Giavischadas èn experientschas en il sectur da translaziun e da terminologia. Questa funcziun pretenda plinavant bunas enconuschientschas dal computer – da preferenza experientschas cun ils programs da translaziun Trados e Multiterm e da la banca da datas terminologica online da l’administraziun federala Termdat. Flexibilitad, abilitad da lavurar en in team e da supportar squitsch sco er atgna iniziativa, in dun metodic ed ina moda da lavurar exacta cumpletteschan Voss profil.
Grad d’occupaziun: 50 %
Cumenzament da la lavur: 1. da zercladur 2020
Lieu da lavur: Cuira
Termin d’annunzia: 31 da schaner 2020
Persuna da contact: Beat Dermont, telefon 081 257 22 25, beat.dermont@staka.gr.ch
Nus ans legrain da Vossa annunzia electronica cumpletta.