L'administraziun chantunala – ina patruna moderna per collavuraturas motivadas e collavuraturs motivads sco Vus.
spezialista u spezialist da telecommunicaziun a Tusaun (80 - 100 %)

Uffizi da construcziun bassa, secziun tecnica

Palastrasse 5

7430 Tusaun

Voss champ d’incumbensas: La secziun tecnica è responsabla per il funcziunament e per il mantegniment dals indrizs da manaschi e da segirezza sin la rait da vias chantunalas sco er – per incarica da la confederaziun – sin las vias naziunalas en il chantun. En quests conturns planisais, installais e tgirais Vus differents sistems da la rait e per part da la segirezza. Vus stais en contact regular cun clientas e clients (p.ex. UVIAS) sco er cun furnituras e furniturs. Plinavant sustegnais Vus noss team a manar ils sistems da video ed ils sistems da telefon da las vias naziunalas sco er a garantir il support dal segund nivel. Ultra da quai prestais Vus servetsch da pichet.
Voss profil: Per ademplir las incumbensas pretensiusas e variadas disponis Vus d’ina scolaziun da basa fundada en il sectur tecnica da rait sco er d’ina furmaziun supplementara correspundenta (diplom d’ina scola spezialisada superiura, da CCNP u ina furmaziun sumeglianta). Routing, switching, VPN, Dot1x, radius, NGFW ed MPLS tutgan tar Voss portfolio da tecnologias. Experientschas en la gestiun da raits èn d’avantatg per questa plazza. Pretendì vegni ch’ils sistems sajan disponibels permanentamain. Quai premetta ina gronda abilitad da supportar squitsch sco er la prontezza da lavurar ordaifer las uras da lavur usitadas. Cun Vossa independenza, Vossa flexibilitad e Vossa iniziativa essas Vus in sustegn efficazi per noss team rutinà.
Grad d’occupaziun: 80 - 100 %
Cumenzament da la lavur: 1. d’avrigl 2020 u tenor cunvegna
Lieu da lavur: Tusaun
Termin d’annunzia: 25 da schaner 2020
Persuna da contact: Sandro Mura, telefon 081 632 56 05, sandro.mura@tba.gr.ch
Nus ans legrain da Vossa annunzia electronica cumpletta.