L'administraziun chantunala – ina patruna moderna per collavuraturas motivadas e collavuraturs motivads sco Vus.
archivara scientifica u archivar scientific (90 %)

Uffizi da cultura / archiv dal stadi dal Grischun

Karlihofplatz

7001 Cuira

Voss champ d’incumbensas: L’archiv dal stadi dal Grischun è responsabel per preservar e per manar vinavant la tradiziun istorica dal chantun e metta a disposiziun sia collecziun a la perscrutaziun ed a la publicitad interessada. La prioritad da Vossas incumbensas ha la constituziun da l’archiv. Vus cussegliais ils posts administrativs da Voss champ da cumpetenza en quai che concerna la gestiun da documents e procurais che quels surdettian ils documents cun valur archivarica regularmain ed en moda ordinada a l’archiv dal stadi. Dapi intgins onns vegn ina part considerabla da quests documents surdada en furma digitala. Tut tenor Vossas qualificaziuns As po vegnir delegada la direcziun dal pitschen team da la constituziun da l’archiv. Plinavant lavurais Vus en ulteriurs projects da l’archiv dal stadi, cooperais tar la lavur da publicitad e dais respostas a dumondas.
Voss profil: Vus avais terminà in studi universitar (da preferenza en istorgia u en scienzas da l’administraziun) ed avais gia lavurà intgins onns en in archiv public, en il cas ideal en il sectur da la constituziun d’archivs. Premessas vegnan fitg bunas enconuschientschas da l’informatica. Vus enconuschais il chantun Grischun; d’avantatg èn enconuschientschas dal rumantsch e dal talian. Grazia a Vossa demananza segira ed a Voss dun da contractar represchentais Vus en moda persvadenta ils interess da l’archiv dal stadi. Vus vesais svelt las chaussas essenzialas e savais metter quellas en scrit en moda precisa. Vus lavurais gugent tant independentamain sco er en in team.
Grad d’occupaziun: 90 %
Cumenzament da la lavur: 1. d’avrigl 2020
Lieu da lavur: Cuira
Termin d’annunzia: 31 da schaner 2020
Persuna da contact: Brigitte Aregger Riederer, telefon 081 257 28 20, brigitte.aregger@sag.gr.ch
Nus ans legrain da Vossa annunzia electronica cumpletta.