L'administraziun chantunala – ina patruna moderna per collavuraturas motivadas e collavuraturs motivads sco Vus.
manadra u manader dal sustegn da la direcziun

Chanzlia chantunala

Reichsgasse 35

7001 Cuira

Voss champ d’incumbensas: Vus manais il sectur da stab "sustegn da la direcziun" da la chanzlia chantunala. En questa funcziun elavurais Vus las basas per in sustegn effizient da la direcziun, planisais e coordinais las incumbensas dal sectur da stab e sviluppais vinavant ils singuls champs d’incumbensas. Latiers tutgan las planisaziuns politicas ed il controlling correspundent, il e-government, il servetsch da medias e las relaziuns externas. Voss champ d’incumbensas cumpiglia en quest connex en spezial er la preparaziun dals instruments directivs strategics da la regenza en il sectur da la planisaziun a curta ed a media vista sco er la promoziun da la digitalisaziun sco contribuziun a favur d’ina administraziun effizienta che tegna quint da las burgaisas e dals burgais. En Voss champ d’incumbensas manais u coordinais Vus projects tranter plirs departaments e cooperais en projects interdepartamentals.
Voss profil: Questa activitad pretensiusa e variada premetta in diplom universitar d’economia da manaschi, da dretg u d’ina autra direcziun adattada. Vus disponis d’experientscha professiunala cun instruments da planisaziun e cun il management da projects ed avais in interess exprimì per la collavuraziun interdisciplinara. Vus essas ina persunalitad iniziativa e fidada cun interess per prestaziuns da servetsch, savais lavurar en moda independenta ed avais ina gronda responsabladad persunala. Vus avais plaschair da sustegnair en moda cumpetenta e nuncumplitgada las gruppas en mira internas ed externas. Abilitad da supportar squitsch, integritad sco er in’expressiun segira a bucca ed en scrit per tudestg cumpletteschan Voss profil. D’avantatg èn experientschas da direcziun sco er enconuschientschas dal public management e da las linguas chantunalas.
Grad d’occupaziun: 100 %
Cumenzament da la lavur: 1. da fanadur 2020 u tenor cunvegna
Lieu da lavur: Cuira
Termin d’annunzia: 31 da schaner 2020
Persuna da contact: Daniel Spadin, telefon 081 257 22 21, daniel.spadin@staka.gr.ch
Nus ans legrain da Vossa annunzia electronica cumpletta.